Na Ali Haji Hamad, Pemba Press Club
Ikiwa ni zaidi ya miaka 12 sasa tokea mataifa mbali mbali duniani yalipofikia makubaliano kupitia mkataba wa Kyoto ya kupunguza utojai wa gesi joto (Greenhouse gases) na kutoa fursa kwa mataifa yanayoendelea kuanzisha na kufaidika na miradi ya kupunguza gesi joto (Clean Development Mechanism) na athari za tabia nchi, hakuna mradi wowote ulioanzishwa wala kuombwa kutokea Zanzibar, imebainika.
Kwa mujibu wa taarifa zilizopatikana kutoka taasisi ya Teknolojia, Nishati na Sayansi ya Mazingira (CEEST) yenye makao yake makuu Dar es Salaam na kuthibitishwa na Idara ya Mazingira iliyochini ya Afisi ya makamo wa Rais wa Tanzania inayoratibu miradi ya aina hiyo, katika kipindi chote hicho Tanzania kwa jumla ina miradi 12 ambayo imo katika hatua mbali mbali za utekelezaji na maombi na kwamba hakuna mradi wowote unaotokea Zanzibar ama kupangwa kutekelezwa huko.
Mkurugenzi wa CEEST Hubert Meena aliwatajia waandishi wa habari za Mazingira waliokuwa wakihudhuria mafunzo yaliyoandaliwa na Chama cha Waandishi wa Habari za Mazingira Tanzanaia (JET) kwa mashirikianao na Thamson Foundation Jijini Dar es Salaam hivi karibuni Miradi ya Tanzania kuwa ni pamaoja na Mradi wa kukusanya gesi ya methane na kuzalisha umeme kutoka katika jaa la Mtoni kwa Azizi Ali Dar es salaam ambao umeanza kufanya kazi na Mraadi wa kuzalisha Umeme kutokona na takataka za mkonge wa Kijiji cha Hale -Tanga ambao ujenzi wake umekamilika na unasubiri kuthibitishwa.
Mkurugenzi huyo aliitaja miradi mengine kuwa ni mradi wa umeme wa Upepo wa Singida, Mradi wa Umeme wa kinyesi katika jela za Tanga, Arusha na Moshi, mradi wa gesi asilia wa Moshi, Miradi ya Upandaji misitu ya Mwanga na Same, Umeme wa biomass_ Tanga na Miradi ya nishati mbadala ya Mtwara na Lindi ambayo yote bado imo katika hatua za maombi.
Akithibitisha hali ya Zanzibar kutokuchangamkia miradi ya Upunguzaji wa gesi joto, Mtaalamu wa Mazingira kutoka Idara ya mazingira iliyochini ya Afisi ya makamo wa Rais ambayo pia inajukumu la kuratibu miradi yaaina hiyo, Bw. Fredy Manyika alisema katika suala la kukabiliana na ongezeko la gesi joto na athari za tabia nchi na kutekeleza miradi inyohusiana nayo Tanzania inafanya kazi kama nchi moja (Jamhuri ya Muungano) kwa vile ndiyo iliyoridhia mkataba wa Kyoto hapo 2002.
Hata hivyo alisema katika suala la maamuzi ya mradi upi wa kupunguza gesi joto utekelezwe wapi jambo hilo halihusiani na nchi moja kwa moja kwa vile miradi hiyo imeachwa kama fursa ya kiuchumi na kibiashara kwa kila nchi na utekelezaji wake utategemea jinsi wananchi, taasisi, wafanyabiashara na wawekezaji watakavyoichangamkia fursa hiyo kwa vigenzo vyao mbali mbali.
Alisema katika hali hiyo ni juu ya taasisi, wananchi, na wawekezaji wa Zanzibar ama pekeyao au kwa kushirikiana na taasisi nyengine za kimataifa kuomba na kutekeleza miradi mingi kadri wawezavyo wakizingatia faida za kibiashara, ajira, teknolojia na mazingira zitazopatikana.
Kwa mujibu wa taasisi ya Teknolojia, Nishati, na Sayansi ya Mazingira kwa kuacha kuchangamkia fursa ya utekelezaji miradi ya kupunguza gesi joto, nchi, mikoa, wilaya na maeneo hupoteza fursa kadhaa zikiwemo zile za kupunguza athari za mabadiliko ya tabia nchi, kuongeza nafasi za ajira, upatikanaji wa teknolojia mpya na ukuaji wa uchumi kupitia biashara ya uuzaji wa Ankara za gesi mkaa (CO2) na methane iliyodhibitiwa .
Kwa mijibu wa taasisi ya CEEST kuna biashara ya zaidi ya dola za kimarekani 30 billioni kila mwaka katika nchi za jumuiya ya Ulaya kupitia miradi ya kupunguza gesi joto na athari za tabia nchi. Hubert Meena , Mkurugenzi wa kituo hicho alisema kwa sasa soko hilo linazinufaisha zaidi nchi za India , China , Brazil na Afrika ya Kusini.
Meena amliyataja baadhi ya m,aeneo ambayo taasisi ,wafanyabiashara , na wawekezaji wanaweza kuyatumia kuanzisha miradi ya kupunguza utoaji wa gesi joto na athari za tabia nchi kuwa ni pamoja na sekta ya Nishati amabayo inatoa fursa ya miradi ya kuzalisha umeme, kukuza teknolojia na kupunguza matumizi ya mafuta; Sekta ya viwanda inayotoa fursa ya miradi ya kupunguza gesi mkaa; Sekta ya Usafirishaji inayotoa fursa ya miradi ya kupunguza wingi wa vyombo vya uasafirishaji na kuongeza ufanisi wa usafirishaji; na Sekta ya Utupaji taka ambayo inatoa fursa miradi ya udhibiti na matumizi ya taka ngumu na maji taka.
Kwa mujibu wa takwimu za hivi karibuni kuna miradi 828 ya kupunguza gesi joto na athari za tabia nchi inayofanya kazi kote duniani na mengine 2,600 ambayo maombi yake yanashughulikiwa na kamati tendaji ya miradi ya aina hiyo. Kati ya miradi yote ambayo tayari imeanza kufanya kazi Afrika ina miradi 30 na zaidi ya nusu ya miradi hiyo iko Afrika kusini.
MWISHO
N.B Maneno mengine ni ya kisayansi nimekosa Kiswahili chake.
Hayo machache niliyoyapata tafsiri yake imetoka baraza la Kiswahili Tanzania .
Mabadiliko ya tabia nchi (Climate Change)
Gesi mkaa (Carbon dioxide)
Gesi Joto (Greenhouse gases)
Mobile: +255777458523
No comments:
Post a Comment